Viza

Përditësuar më 14 Qershor 2022

Duke filluar nga 12 qershor 2022, CDC-ја nuk do të urdhërojë më pasagjerët e linjave ajrore të tregojnë një provë të një testi negativ për COVID-19, ose të tregojnë dokumentacionin e rikuperimit nga COVID-19, përpara se të hipin në një fluturim për në SHBA. Vlen të përmendet, urdhëri i CDC-së që kërkon vërtetimin e vaksinimit për jo-emigrantët jo-shtetas amerikanë për të udhëtuar në Shtetet e Bashkuara është ende në fuqi. Për më shumë informacion, shihni Kërkesën për Vërtetim të Vaksinimit ndaj COVID-19 për Pasagjerët të Linjave Ajrore.

Për informacione shtesë dhe për pyetje shpesh të bëra, vizitoni faqen e internetit të CDC-së.

Ambasada e Shteteve të Bashkuara në Shkup ka rifilluar procesimin e të gjitha kategorive të vizave imigruese, duke përfshirë vizat K1, vizat për të fejuarit dhe të viza lotarisë. Për shkak të pandemisë së COVID-19, ne ofrojmë vetëm takime të kufizuara për viza joimigruese të të gjitha kategorive për aplikantët që janë rezident dhe shtetas të Maqedoninë e Veriut. Takimet për të gjitha llojet e vizave do të jenë të disponueshme sipas radhës (i pari në radhë ka përparsi) për aq sa mundëson kapaciteti i takimeve. Pandemia e COVID-19 ka krijuar një numër të konsiderueshëm të aplikantëve për viza joemigruese që presin një intervistë për vizë. Ne e vlerësojmë durimin tuaj.

Tarifa është e vlefshme dhe mund të përdoret për të caktuar një takim për intervistë në vendin ku është bërë pagesa deri më 30 shtator 2023. Nëse keni një çështje urgjente dhe keni nevojë të udhëtoni menjëherë, ju lutemi ndiqni udhëzimet këtu për të kërkuar një takim urgjent.

Nëse jeni duke përjetuar simptoma të ngjashme me gripin, ose besoni se mund të keni qenë të ekspozuar ndaj koronavirusit të ri, ju inkurajojmë fuqimisht të shtyni takimin tuaj për të paktën 14 ditë.

Qëllimi dhe synimi i udhëtimit tuaj dhe fakte të tjera do të përcaktojnë se çfarë lloji i vizës j’u eshte i nevojshëm sipas Ligjit të Imigracionit të SHBA. Si një aplikant, ju do të duhet të vërtetoni se i përmbushni të gjitha kërkesat për të marrë kategorinë e vizës për të cilën ju po aplikoni. Shih Listën e kategorive të vizave për të përcaktuar se cila kategori e vizave mund të jetë e përshtatshme për qëllimin tuaj të udhëtimit në Shtetet e Bashkuara.

Viza Joimigruese

Për udhëtim të përkohshëm në Shtetet e Bashkuara, përfshirë turizëm, punësim të përkohshëm, arsim dhe shkëmbim.

Viza Imigruese

Për shtetas të huaj që dëshirojnë të jetojnë përgjithmonë në SHBA

Një shtetas nga një vend i huaj që kërkon të hyjë në Shtetet e Bashkuara, duhet në fillim të marrë një vizë amerikane, e cila vendoset në pashaportën e udhëtarit, qe është edhe dokumenti për udhëtim i lëshuar nga vendi i shtetësisë së udhëtarit.

Disa udhëtues ndërkombëtarë mund të përfitojnë mundësinë e udhëtimit në Shtetet e Bashkuara pa u pajisur me vizë, nëse ata plotësojnë kushtet për programin e Udhëtimit pa Vizë. Sektori i Vizave të kësaj faqeje ka informacion vetëm për vizat amerikane për shtetasit e huaj që dëshirojnë të udhëtojnë në Shtetet e Bashkuara.

(Shënim: Shtetasit e SHBA-së nuk kanë nevojë për vizë amerikane për të udhëtuar, por nëse planifikojnë të udhëtojnë jashtë vendit, mund të kenë nevojë për vizë të lëshuar nga Ambasada e vendit që dëshirojnë të vizitojnë.)

Për të kontaktuar një përfaqësues të shërbimit të klientit, ju lutemi vizitoni faqen e internetit të Global Support Services (GSS) për informacion të plotë për të aplikuar për një vizë joimigruese të SHBA ose përdorni inormatat e mëposhtme:

Telefon:

Prej Maqedonisë së Veriut: +389 2 551 7475

Prej SHBA: +1 703 520 2257

Skype: USVISAMACEDONIA

Ne ju premtojmë juve, aplikuesit të vizës, se:

  • Ne do t’ju trajtojmë me dinjitet dhe respekt, edhe në rastin kur nuk mundet t’ju pajisim me vizë.
  • Ne do t’ju trajtojmë në mënyrë individuale dhe rastin tuaj si specifik.
  • Ne nuk do të harrojmë se, për ju, një intervistë për vizë mund të jetë një përvojë e re apo frikësuese, dhe se ju mund të jeni nervozë.
  • Ne do të shfrytëzojmë kohën e kufizuar në shërbim të intervistës për të pasur një ide sa më të qartë të planeve dhe qëllimeve të udhëtimit tuaj.
  • Ne do të përdorim burimet tona në dispozicion për të ndihmuar takimet për aplikantët në mënyrë të drejtë, për të mundësuar udhëtimin në kohë për biznes, studim apo detyrime të tjera të rëndësishme.
  • Ne do të postojmë informacion të detajuar dhe të saktë mbi kriteret për vizë dhe procedurat e aplikimit në çdo faqe në internet të Ambasadës dhe Konsullatës.
  • Ne do të japim informacion mbi oraret e pritjes për vizat jo-emigruese të çdo Ambasade apo Konsullate, të postuara nëhttp://travel.state.gov

Gjithashtu, nëse jeni një:

  • Student, ne do të bëjmë të pamundurën për t’ju siguruar një takim dhe, nëse kualifikoheni, për t’ju dhënë vizën në kohën e fillimit të shkollës.
  • Udhëtar mjekësor apo humanitar urgjent, ne do ta përshpejtojmë procedurën për ata që kanë urgjenca kërcënuese për jetën.
  • Udhëtar tregtar, ne do të përcaktojmë mekanizmat e duhur për të thjeshtësuar udhëtimin për tregti dhe do të përshpejtojmë çështje me interes të veçantë për biznesin amerikan.

Në të njëjtën kohë ne presim që ju, aplikuesi për vizë, të:

  • Planifikoni udhëtimin dhe aplikimin tuaj për vizë sa më shpejt të jetë e mundur.
  • Të plotësoni të gjithë aplikimin tuaj dhe saktë.
  • Të jeni të qartë për qëllimet dhe planet tuaja.
  • Të përgatiteni për intervistën duke qenë të aftë për të përshkruar qartësisht dhe saktësisht qëllimet tuaja.