Ambasadori Jess L. Baily

Jess L. Baily, Ambasador i Shteteve të Bashkuara në Republikën e Maqedonisë

Jess Baily në dhjetor të vitit 2014 u konfirmua nga Senati si Ambasador i SHBA-ve në Maqedoni. Ai së fundmi ishte ushtrues detyre ambasador në Ambasadën e SHBA-ve në Ankara, ku arriti në korrik 2011 si zëvendës ambasador. Para kësaj, ai ka shërbyer në Stejt Departament si drejtor i Zyrës për Evropën Jugore, ku ka menaxhuar marrëdhëniet dypalëshe me Turqinë, Greqinë dhe Qipron.

Z. Baily është diplomat i lartë me karrierë në Shërbimin diplomatik me gradën ministër-këshilltar. Ai iu bashkangjit Shërbimit diplomatik në vitin 1985 dhe ka shërbyer në pozita për marrëdhënie me publikun në Bangladesh, Senegal, Tajlandë, Turqi dhe Holandë. Nga viti 2007 deri në 2008 ka punuar në Erbil, Irak si përfaqësues i lartë civil i Qeverisë së SHBA-ve në rajonin Kurdistan të Irakut. Në Uashington ai udhëhoqi Pres qendrën për gazetarë të huaj të Stejt Departamentit në periudhën 2005-2007 dhe nga viti 2008 deri në 2010 shërbeu si koordinator për çështje politike të SHBA-ve në Këshillin e sigurisë së OKB-së dhe në Asamblenë e përgjithshme të OKB-së.

I lindur në Sinsinati, z. Baily diplomoi në Universitetin Yale, ndërsa magjistroi për Histori Evropiane në Universitetin Columbia. Ai flet frëngjisht, turqisht dhe tailandisht. Është i martuar me Capie Polk Baily. Ata kanë një djalë, Noah, i cili është student.