Државен секретар на САД

Secretary of State Mike PompeoМајк Помпео даде заклетва како државен секретар на САД на 26 април 2018 година. Претходно, од јануари 2017 до април 2018, беше директор на Централната разузнавачка агенција.

Пред да се приклучи на администрацијата на претседателот Трамп, г-динот Помпео го служеше својот четврти мандат како конгресмен од Четвртиот округ на Канзас. Тој исто така беше член на Разузнавачкиот комитет на Претставничкиот дом, Комитетот за енергија и трговија, како и на Комитетот за Бенгази на Претставничкиот дом.

Пред да служи во Конгресот, г-дин Помпео ја основаше компанијата Тајер Аероспејс (Thayer Aerospace) и беше нејзин извршен директор повеќе од една деценија. Подоцна стана претседател на Сентри Интернешенел (Sentry International), компанија за производство, дистрибуција и сервис на опрема што се користи на нафтени полиња.

Г-динот Помпео дипломираше во 1986, како најдобар во класот на Воената академија на Соединетите Држави во Вест Поинт, и служеше како офицер во коњаницата и патролираше долж Железната завеса пред падот на Берлинскиот ѕид. Тој, исто така служеше со Вториот ескадрон, 7-мата коњаница во четвртата пешадиска дивизија на Армијата на САД.

Откако ја напушти активната служба во Армијата, г-динот Помпео дипломираше на Правниот факултет на Харвард, и работеше како уредник на Харвард Ло Ривју (Harvard Law Review).

Г-дин Помпео е роден на 30 декември 1963 во Оринџ, Калифорнија. Тој е женет со Сузан Помпео и има еден син, Ник.