Заменик шеф на мисија Џенифер Р. Литлџон

Џенифер “Џ.Р.” Литлџон ја презеде функцијата заменик шеф на мисија во Амбасадата на САД во Скопје, Северна Македонија, на 15 јули 2019. Таа е дипломат од кариера во Надворешната служба на САД. Претходно, вршеше функција на висок советник во извршната екипа на државниот секретар. Пред тоа беша заменик шеф на Мисијата На САД во Дили, Тимор- Лест.

Во Вашингтон, г-ѓа. Литлџон беше директор за прашања поврзани со Централна и Северна Европа во Националниот совет за безбедност на Белата Куќа; беше директор за планирање на политики и јавна дипломатија во Бирото за демократија, човекови права и труд; а служеше и како специјален асистент на потсекретарот за политички прашања Вилијам Џ. Брнс. Претходно во нејзината кариера работеше како службеник во Кабинетите на државните секретари Рајс и Клинтон. Нејзините должности во странство ги вклучуваат и мисиите во Германија, Тајланд, Бразил и Авганистан.

Г-ѓа. Литлџон има магистрирано Меѓународни односи на Универзитетот Колумбија, како и Стратегии за национални  ресурси на Универзитетот за национална безбедност; а има завршено и додипломски студии по Политички науки на Државниот универзитет Морган. Таа учела германски, македонски, португалски и тајландски, и е добитник на неколку високи награди на Стејт Департментот.

Пред да се вработи во Надворешната служба во 2002, Литлџон била дел од фондацијата Роберт Бош и програмата Фулбрајт, и двете во Германија. Таа е во брак со Гергели Арани.